Cənubun yığması (U-13) İranda təlim – məşq toplanışında

 Cənub zonanı təmsil edən rayonların 13 yaşlı perspektivli futbolçulardan formalaşdırılmış "Xəzər -92” futbol klubunun üzvləri U-13 Azərbaycan çempionatına hazırlıq məqsədilə təlom məşq toplanışını qonşu İran İslam Respublikasının Ərdəbil şəhərində keçirməyə nail olmuşlar. Onlar burada keçirilən məşqlərdə taktiki və texniki təmrinləri yerinə yetirməklə yanaşı Ərdəbil şəhərinin bir neçə komandası ilə yoldaşlıq görüşləri də keçirmişlər. Ərdəbil mərkəzi stadionunda düzənlənən börüşlərin ilk oyunu 26 fevral "Xocalı Soyqırımı” gününə təsadüf etdiyindən görüşdən əvvəl Xocalı şəhidlərinin əziz xatirələri bir dəqiqəlik sükutla yad edilmiş, ruhlarına fatehə oxunmuşdur, bundan başqa gənc futbolçularımız meydana qara sarğı ilə daxil olmuşlar. İİR-nın Futbol Federasiyasının, Ərdəbil Futbol İdarəsinin və digər rəsmi nümayəndələrin iştirakı ilə keçirilən gorüşlərin sonunda komandalar xatirə şəkilləri çəkmiş, üzərində hər iki dövlətin atributları həkk edilən vımpellər və hədiyyələrlə bir-birlərini təbrik etmişlər.